- 56 onns
- Partida: il Center
- Lieu da domicil: Sent
- Lieu da burgais: Scuol/ Zernez
- Lingua materna: Rumantsch (Vallader)
Scolaziun
Aita Zanetti ha cumenzà sia via professiunala en l'Engiadina Bassa. Suenter la scola elementara ha ella fatg la scola media commerziala cun in diplom da commerzi a Ftan.
Carriera politica
L'entschatta en la politica ha l'Engiadinaisa fatg ils davos onns dal 1990 en la vischnanca da Sent:
1997 – 1998: represchentanta en la suprastanza communala da Sent
1999-2000: «scheffa da guaud, pastg, e puraria»
Durant il temp tranter ils onns 2000 e 2018 ha Zanetti occupà divers posts e mussà bler engaschi en sia vischnanca Sent. Entant che ses agens uffants eran sez en la scola ha ella mess in grond focus sin la giuventetgna.
2007-2013: presidenta e actuara da la gruppa da gieu «Tartaruga» a Sent
2012-2020: engaschi en la secziun Pro Juventute Engiadina Bassa (oz Pro Junior) ed organisaziun da (s)pass da vacanzas
Ma er la generaziun in pa pli veglia sta Zanetti a cor ed uschia ha ella lavurà sco commembra en la suprastanza da la cumissiun da manaschi da la «Dmura Chasa Puntota», la chasa d'attempads a Scuol.
2012-2019: commembra da la suprastanza da Dmura Chasa Puntota
Ils 29 d'avust 2018 è Aita Zanetti vegnida elegida en il Cussegl grond per il circul da Suot Tasna, nua ch'ella è stada part da dal cumissiun per sanadad e fatgs socials.
Dapi 2018: deputada en il Cussegl grond
Ultra da quella responsabladad politica ha ella surpiglià il copresidi da la Partida burgais-democratica (PBD) e suandant dal Center:
2018-2021: copresidi PBD
2021-2024: copresidi Il Center
Durant il temp en il Cussegl grond è ella stada ina giada la Grischuna la pli auta – la presidenta dal Cussegl grond
2021/2022: presidenta dal Cussegl grond
Il 2023 è la politicra engiadinaisa puspè entrada en la a politica communala ed è vegnida elegida sco presidenta communala da Scuol.
Dapi 2023: presidenta communala Scuol
Via professiunala
Avant sia elecziun en il Cussegl grond ha ella rimnà ina basa d'experientscha politica ed instituziunala. Ella è stada commembra da l'executiva communala ed ha occupà uffizis en differents gremis e cussegls ed ha lavurà sco intermediatura e coordinatura tranter interess locals, regiunals e chantunals.
Tranter auter ha ella fundà – ensemen cun ses um – in'atgna puraria a Sent ch'els mainan anc adina.
Famiglia
Aita Zanetti è maridada ed è mamma da quatter uffants. Ella viva a Sent.
Hobis
- leger
- musica
- fanar