L'artist engiadinais, Gian Pedretti, è mort la gievgia, ils 29 da matg, en la vegliadetgna da 99 onns – quai suenter ina vita plain art e creativitad.
L'art en il sang
Creschì si è Gian Pedretti a Samedan. Per l'artist engiadinais è l'art gia adina stà ina part centrala da la vita. Ses bab, Turo Pedretti, è stà in dals artists ils pli marcants en la pictura svizra dal 20avel tschientaner – cunquai è l'art per dir uschia gia vegnì mess en la tgina da Gian Pedretti. Ed era ses frar pli vegl, Giuliano Pedretti, è suandà en ils fastizs dal bab enconuschent. Cun lez ha Gian Pedretti adina puspè collavurà durant sia carriera artistica e stgaffì ovras communablas.
Sia via en il mund d'art
Gian Pedretti ha absolvà la scolaziun artistica a Turitg. Silsuenter è el returnà en l’Engiadina. Là ha el era maridà Erica Schefter. Dapi l’onn 1974 ha il pèr lura abità en la regiun dal Lai da Bienna.
La tecnica m'interessescha be secundar. Cunzunt la terza dimensiun ed il spazi m'interesseschan fundamental.
-
Bild 1 von 12. Gian Pedretti tut approfundà vi da crear art l'onn 1970. Bildquelle: RTR.
-
Bild 2 von 12. Gian Pedretti ha gugent experimentà cun diversas furmas e figuras e co metter quellas en relaziun ina cun l'autra. Bildquelle: RTR.
-
Bild 3 von 12. A Gian Pedretti eri er impurtant da dar a sias ovras ina dimensiun e profunditat cun agid dal cuntrast, differentas colurs e las texturas. Bildquelle: RTR.
-
Bild 4 von 12. «La colur ha ina funcziun abstracta. Ella sto s'integrar tenor l'atmosfera e sustegna era l'isolaziun da las figuras ch'èn per mai fitg impurtantas», ha Gian Pedretti declarà. Bildquelle: RTR.
-
Bild 5 von 12. Gian Pedretti è dentant cunzunt sa focussà sin il crear ovras plasticas e tridimensiunalas. Bildquelle: RTR.
-
Bild 6 von 12. Chattar las relaziuns gistas tranter las figuras en in spazi u ambient ch'è dà – perquai che nossa vita saja essenzialmain s'entupadas entaifer in ambient. Bildquelle: RTR.
-
Bild 7 von 12. Il cuntrast, l'armonia tranter il stgir e cler, è ina part essenziala da bleras ovras da Gian Pedretti. Bildquelle: RTR.
-
Bild 8 von 12. Era cun il sablun ha l'artist gugent lavurà pervi dal tun grisch sco basa per l'ovra. Bildquelle: RTR.
-
Bild 9 von 12. La tecnica saja sulet il med per exprimer aspects da siu esser persunal. Bildquelle: RTR.
-
Bild 10 von 12. Bleras ovras representian simbolicamain che nus essan cuntinuadamain sin viadi ed a la tschertga. Bildquelle: RTR.
-
Bild 11 von 12. Gian Pedretti ha absolvà la scolaziun artistica a Turitg. Bildquelle: RTR.
-
Bild 12 von 12. La cuminanza da la famiglia e la cuntrada engiadinaisa sajan ina funtauna d'inspiraziun impurtanta per Gian Pedretti. Bildquelle: RTR.
La pictura è daventada adina pli impurtanta per Gian Pedretti. El è ha creà cunzunt lavurs plasticas, dasper ha l'artist engiadinais era scrit. L'amur per l'art ha Gian Pedretti partì cun sia dunna Erica Pedretti. Era ella è s'engaschada en la sparta d'art. Per ses art ha Gian Pedretti survegnì il 1982 il premi da renconuschientscha dal chantun Grischun.
Or da l'archiv:
L'onn 1970 ha RTR realisà in film davart ils frars ed artists Gian e Giuliano Pedrett e lur ovras ed art.