Siglir tar il cuntegn

Header

cuntegn

Incumbensa Hohl Main taglia per famiglias e persunal qualifitgà

La regenza grischuna vul meglierar l'attractivitad dal chantun Grischun per famiglias e persunal qualifitgà. Ella vul perquai offrir distgargias fiscalas per questas gruppa. Quai scriva la regenza en sia resposta sin ina incumbensa dal deputà Oliver Hohl da la PLD.

Tranter auter vai per examinar las deducziuns per uffants, las deducziuns per la tgira d'uffants ordaifer la famiglia sco era la deducziun per conjugals cun gudogn dubel. Tar il persunal qualifitgà da l'exteriur vai per la taxaziun d'imposiziun a la funtauna.

Situaziun finanziala malsegira en ils proxims onns

La regenza propona al Cussegl grond dad acceptar quest'incumbensa. Ella intuna però che las pussaivladads per distgargias fiscalas sajan limitadas. Ils ultims onns sajan gia vegnidas introducidas mesiras sumegliantas e la situaziun finanziala dal chantun na saja betg uschè buna sco che Hohl scrivia en sia incumbensa.

Ils proxims onns stoppian ins far quint cun deficits. Quai pervi da reducziuns da las distribuziuns dal gudogn da la Banca naziunala ed il retgav da la gulivaziun da resursas naziunala. Latiers vegnia la situaziun economica malsegira, uschia la regenza vinavant.

RTR novitads 14:00

Artitgels legids il pli savens

Scrollar a sanestra Scrollar a dretga