La Societad Retorumantscha (SRR) ha dus novs suprastants – Giuanna Caviezel, oriunda da Vrin, e Ralf Beer da Schluein. Els èn vegnids elegids a chaschun da la radunaza annuala da la SRR.
Giuanna Caviezel maina ultra da quai ensemen cun Barbara Cuffaro Strebel la redacziun da las Annalas – l’annuari da la SRR cun tractats davart la lingua e la cultura rumantscha.
Chasper Pult pren cumià suenter 41 onns
Chasper Pult – ch'è stà il vicepresident da la SRR dapi il 2004 – banduna ses post. Suenter la part statutarica da la radunanza ha la presidenta, Corina Casanova, dà adia al vicepresident partent. Ella al ha engrazià per ses engaschi a favur da la SRR e da la scienza rumantscha. Gia dapi il 1983 era el part da la suprastanza da la SRR.
