La radunanza da la plaiv catolica da Laax ha concedì in credit da planisaziun da 75'000 francs. Cun quai è il project «Nova Sentupada» a Laax in pass vinavant. Quai scriva la Quotidiana. Uschia po vegnir fatg in preventiv da detagl che duai vegnir suttamess il november 2024 ad ina radunanza extraordinaria.
Legenda:
Il bajetg la «Sentupada», che vegn duvrà per differentas radunanzas da la plaiv catolica da Laax, duai vegnir remplazzà.
PLAIV CATOLICA LAAX
Ils custs totals per il bajetg nov da la «Nova Sentupada» èn tenor la calculaziun da l'architect Andreas Schneller 6,7 milliuns francs. Il bajetg duai tranter auter porscher localitads per occurrenzas, sesidas e curs. En il cas ideal pudessan las lavurs da construcziun cumenzar l'onn 2025.
audio
Per tadlar: las novitads da las 06:00
ord RTR Audio dals 15.04.2024.
laschar ir. Durada: 5 minutas 36 Secundas.
