Il project cun il num «Taro» dal biro d'architectura Andreas Schneller ha dumagnà la concurrenza che duai remplazzar il bajetg da la «Sentupada» a Laax. Quai project per la «Nova Sentupada» haja persvadì la cumissiun da concurrenza cun represchentants da la plaiv, la fundaziun Pro Laax, la vischnanca politica e differentas uniuns. Quai tenor ina communicaziun a las medias da la Plaiv catolica Laax.
Quest avrigl duai la radunanza generala da la plaiv decider sur dal project preliminar. Di la radunanza Gea a la «Nova Sentupada», duain la Pro Laax, sco era la suprastanza e radunanza communala s'exprimer davart il project. En il cas ideal pudessan las lavurs da construcziun cumenzar l'onn 2025.
La «Nova Sentupada» duai porscher localitads per occurrenzas, sesidas, curs ed emprovas da chors. Per l'auter è in local per l'uniun da giuventetgna previs.
