Il settember passà aveva il suveran da Laax approvà cun gronda maioritad il project da bajegiar ina chasa da pliras famiglias a Cons. Encunter il project che duess purtar dapli spazi d'abitar per indigens, datti uss resistenza. Plirs vischins han inoltrà recurs encunter il project tar la Dretgira administrativa chantunala. Quai ha la vischnanca da Laax communitgà envers RTR. L'emprima badigliada, ch'era prevesida suenter Pasca, vegnia uschia retardada. La vischnanca ha per il mument da spetgar sin la decisiun da la Dretgira administrativa.
La vischnanca da Laax vul bajegiar in chasa cun 22 abitaziuns da locaziun per glieud indigena. Quai per far frunt a la mancanza d'abitaziuns. Il credit da 8,8 milliuns francs ha la radunanza communala approvà l'atun passà, ils 14 da settember.
