Siglir tar il cuntegn

Header

Landquart
Legenda: Keystone
cuntegn

Landquart Radunanza communala ha approvà preventiv

Ils da Landquart han approvà cleramain il preventiv 2023, scriva la vischnanca en ina communicaziun da medias. Quel quinta cun in minus da radund 200'000 francs. La suprastanza quinta cun dapli entradas tras la taglia, 1,5 milliuns francs dapli che quintà en il preventiv 2022. En tut fissan quai lura entradas da 45 milliuns francs. Il pe da taglia resta tar 95% da la taglia chantunala.

Senza discussiuns haja la radunanza approvà il preventiv per il manaschi industrial da Landquart. Lez prevesa in surpli da 106'000 francs.

La suprastanza da la vischnanca ha plinavant infurmà la radunanza davart il parc da generaziuns ad Igis, il plaz da l'atletica leva a Ried, il stan da las lavurs da sanaziun da la via da la staziun e davart la situaziun dal plaz da sajettar Eichrank ad Igis e Mastrils.

audio
Per tadlar: las novitads da las 18:00
ord RTR Audio dals 12.12.2022.
laschar ir. Durada: 5 minutas 3 Secundas.

RTR novitads 18:00

Artitgels legids il pli savens

Scrollar a sanestra Scrollar a dretga