Tenor la regenza grischuna duai da nov l'Uffizi da sanadad dal Grischun esser responsabel per la procedura d'admissiun e la surveglianza da furniturs da prestaziuns da sanadad ambulantas per l'assicuranza da malsauns obligatorica. Furniturs èn per exempel medias e medis da chasa u apotecas. Fin ussa fan las cassas da malsauns quai.
Adattaziun pervia da midament federal
Per quest motiv ha la regenza grischuna deliberà ina missiva per reveder parzialmain la lescha davart l'assicuranza da malsauns e la reducziun da las premias. Quest midament è necessari pervi dal midament da la lescha federala da las cassas da malsauns. La nova lescha duai er reglar il dumber maximal da medias e medis ambulants en il chantun.
Il Cussegl grond tracta probablamain questa fatschenta en sia sessiun da zercladur.
