A partir da l'avrigl da quest onn vala en il Grischun la nova lescha davart la planisaziun dal territori. En il center da la revisiun stat ina nova taxa sin la plivalur per terren che vegn enzonà da nov sco zona da bajegiar, communitgescha la regenza grischuna.
Il Cussegl grond ha approvà l'october passà la revisiun. Quella prescriva tranter auter che mintga vischnanca dastga be anc avair terren da bajegiar per ils proxims 15 onns. Vischnancas ch'han memia bler terren ston prender quel ord la zona. Il plan directiv duess vegnir approvà proximamain dal Cussegl federal.
RR novitads 09:00
