La Lescha davart las scolas autas e la perscrutaziun vegn midada. La regenza ha dà en consultaziun in sboz. Uss pon organisaziuns, partidas e persunas interessadas prender posiziun.
La revisiun proponida cuntegna tenor la regenza ils suandants puncts:
- Las cumpetenzas vegnan repartidas auter tranter la regenza ed il cussegl da scola auta.
- Assimilaziun a las disposiziuns da las ulteriuras scolas autas en Svizra.
- Realisar las ordinaziuns dal Cussegl grond davart la renconuschientscha da certificats da scolas autas.
- Sustegn finanzial per la scol'auta teologica a Cuira e la protecziun da titels da scolas autas.
La finamira da la revisiun na saja betg da reagir sin trends, mabain da porscher a las scolas l'agilitad da reagir sez sin quels. La consultaziun cuzza fin ils 27 d'avust. Il sboz pon ins retrair sin la pagina d'internet dal chantun.
audio
Per tadlar: las novitads da las 12:00
ord RTR Audio dals 30.05.2023.
laschar ir. Durada: 5 minutas 9 Secundas.
