I saja sco tar la cumparsa da l’iPhone: ina midada epocala. Dapi che ChatGPT è vegnì fatg public il november passà fa el furora en l'entir mund. Perquai ch’il generatur da texts revoluziunescha il scriver è la Marella ida là, nua che nus tuttas e tuts avain emprendì da scriver – en stanza da scola.
Fatg il bainvegni a la Marella ha il magister Werner Carigiet. Il linguist è conrectur a la scola chantunala a Cuira ed anc in zic pli precaut cun conguals epocals. Tuttina di el che ChatGPT saja per el «sco Google en il quadrat».
Ina maschina, questa maschina!
1 / 5
Legenda:
In sguard legal –
Per ina giada dastgan Sarina e Naiima e lur conscolars e conscolaras duvrar chatGPT en scola.
RTR
2 / 5
Legenda:
«Sco la cumparsa da Google» –
Uschia cumpareglia il magister Werner Carigiet la publicaziun da ChatGPT.
RTR
3 / 5
Legenda:
Ina maschina, questa maschina –
Il generatur da cuntegns ChatGPT sa far quasi tut.
RTR
4 / 5
Legenda:
Er per Ursina nagut da nov –
Scolaras e scolars en l’entir mund han spert scuvert, tge ch’il generatur da cuntegns sa.
RTR
5 / 5
Legenda:
Far in cumponiment cun ChatGPT –
Quai ch’era l’excepziun mo per la Marella avess procurà per in da sis per Flurin.
RTR
Ensemen cun sias maturandas e ses maturands avain er nus, sco tut il rest dal mund, ans fatschentads cun la maschina da las maschinas – cun ChatGPT.
