Silvio Dietrich entra en funcziun tar la Lia Rumantscha curt avant che l'onn da scola nov cumenza, la fin da fanadur. Quai cun in pensum parzial da 70%. Il post da manader da lingua, furmaziun e cultura ha la Lia Rumantscha stgaffì da nov. Sco quai che la Lia Rumantscha ha communitgà, duaja Dietrich promover e sviluppar las purschidas per scolaras e scolars da la scolina enfin la furmaziun superiura en ed ordaifer il chantun Grischun.
Silvio Dietrich è actualmain manader principal da la scola Ilanz/Glion e mainafatschenta d’ina interpresa da cussegliaziun en il sectur da furmaziun ed educaziun. Plinavant è el deputà en il Cussegl grond.
