Siglir tar il cuntegn

Header

audio
Petiziun da LEGR vul segirar la qualitad da las scolas
Or da Actualitad dals 24.01.2024. Maletg: Keystone
laschar ir. Durada: 3 minutas 46 Secundas.
cuntegn

Magistraglia Grischun LEGR lantscha petiziun per segirar la qualitad da furmaziun

La Magistraglia Grischun ha en il rom dal plan d'acziun naziunal lantschà ina petiziun: segirar la qualitad da furmaziun. La petiziun pretenda dal Cussegl grond e da la regenza grischuna dad examinar intginas propostas e da prender si quellas en la revisiun da la lescha, sco per exempel dapli temp per la promoziun da l'uffant, distgargiar scolastas e scolasts u pajas cumpetitivas.

Tuttas mesiras proponidas:

  • dapli temp per la promoziun da singuls uffants
  • reducir la chargia da lavur da las persunas d'instrucziun
  • furmaziun optimala
  • pajas cumpetitivas
  • dapli sustegn da pedagogia curativa en ambient integrativ
  • material didactic actual en tuttas linguas chantunalas
L’emprima proposta dal chantun era insumma betg progressiva. Nus duvrain bler meglras soluziuns per nossas scolas – nus vulain far squitsch.
Autur: Nora Kaiser Presidenta da l’uniun da la magistraglia dal Grischun

La proposta che la regenza ha preschentà l'atun per la revisiun da la lescha n'haja betg cuntegnì mesiras impurtantas per far frunt a la mancanza da scolastas e scolasts, scriva la magistraglia grischuna en sia communicaziun. La mancanza da persunas d'instrucziun pericliteschia la qualitad d'educaziun en Svizra – e quai saja en in ulteriur pass er in privel per il Grischun sco lieu da lavur.

Jau ves che la situaziun en scolas rumantschas e talianas en il Grischun è pli pregnanta ch'en scolas tudestgas. Dentant vesan ins che la situaziun daventa era là pli tendida, onn per onn.
Autur: Sandra Locher Benguerel Commembra da la direcziun da l’uniun tetgala Svizra da magisters
video
Uniun da magistraglia grischuna lantschà petiziun per qualitad en scola
Or da Telesguard dals 24.01.2024.
laschar ir. Durada: 1 minuta 52 Secundas.

RTR novitads 12:00

Artitgels legids il pli savens