Curt & concis
- Nov è er serrada la via chantunala tranter Lantsch e Brinzauls – quai pervi dad in grip da 50 fin 100 meters cubic.
- In servetsch da helicopters procura per ils transports da ed en la Val d'Avras. Ella resta isolada per almain in’emna.
- La via en la val S-charl è puspè averta.
- Las plievgiadas dal glindesdi han causà bovas che serran giu las duas vals dal traffic.
Val d'Avras – sgols en ed or da la val
Pervi da la crudada da crappa resta la Val d'Avras isolada per circa in’emna. Quai ha confermà Paul Eicher da l’uffizi da construcziun bassa.
Probabel cuzzian las lavurs enfin mardi, cun bell’aura pudess la via dentant gia vegnir averta gia pli baud. En il fratemp ha il president communal d’Avras Kurt Patzen ditg envers RTR, ch’ins haja organisà sgols. Quels vegnian fatgs a partir da questa saira las 17:00. Enfin ussa ins haja survegnì 35 annunzias da persunas che veglian returnar en la val u bandunar ella.
Radund 200 persunas sajan il mument bloccadas en Val d’Avras. La bova è vegnida giu sin via il glindesdi suentermezdi tranter l’ina e las duas, tranter Calantgil/Innerferrera e Cresta – quai suenter plievgia intensiva.
Lantsch-Brinzauls – via chantunala serrada
Almain fin damaun las 14:00 è serrada la via chantunala tranter lantsch e Brinzauls – quai pervi dad in grip da 50 fin 100 meters cubic, ch'è vegnì giu.
-
Bild 1 von 6. A Brinzauls è crudà in grippun fin giu sin la prada. Bildquelle: RTR, Federico Belotti.
-
Bild 2 von 6. La via è vegnida serrada pervi da quest grippun. Bildquelle: RTR, Federico Belotti.
-
Bild 3 von 6. Il grippun ch'è crudà a Brienzauls amez la prada. Bildquelle: RTR, federico Belotti.
-
Bild 4 von 6. Tenor Andri Largiadèr da l'uffizi da guaud e privels da natira ha il sistem d'alarm ch'avertescha da crudada da crappa funcziunà, uschia saja l'ampla da la via stada sin cotschen cura ch'il crap haja traversà la via. Bildquelle: RTR, Federico Belotti.
-
Bild 5 von 6. Quest crap ha ina dimensiun da circa 70 meters cubics ed è circa 200 tonnas grev: Uschia in grond crap n'è il davos temp betg vegnì giu fin a Brinzauls. Bildquelle: RTR, Federico Belotti.
-
Bild 6 von 6. Da maun dretg èn anc da vesair ils fastizs dal grip ch'ha traversà la via. Bildquelle: RTR, Federico Belotti.
Tenor conferma da la polizia chantunala ruschnia la plaunca da Brinzauls pli fitg che usità. I na saja dentant betg critic. Il traffic vegnia svià.
Val S-charl – via puspè averta
La via en la Val S-charl è puspè averta. Quai han communitgà las autoritads communalas suenter avair revalità la situaziun. Pervi da bovas aveva il traject stuì vegnir serrà il mardi fin vers saira.
-
Bild 1 von 5. La via en da la Val S-charl è donnegiada da l'aual Clemgia. Bildquelle: MAD, arno kirchen – vischnanca da scuol.
-
Bild 2 von 5. Per part han las auas maglià davent la via da S-charl. Bildquelle: MAD, arno kirchen – vischnanca da scuol.
-
Bild 3 von 5. Il terren sitg na pudeva betg pli absorbar tut l'aua da las plievgiadas. Bildquelle: MAD, arno kirchen – vischnanca da scuol.
-
Bild 4 von 5. Bovas 2017 –. avant dus onns avevan las malauras mess en malura la via en la Val S-charl. Bildquelle: RTR, sil punct.
-
Bild 5 von 5. Puspè bovas suenter malauras en Val S-charl –. il 2015 aveva il militar stuì far ina punt provisorica per garantir il traffic. Bildquelle: Keystone.
Ils ultims quatter onns aveva la vischnanca da Scuol adina puspè da cumbatter cun malauras e bovas amez la stad – surtut la Val S-charl era pertutgada.
Anc la fin da fanadur avevan las autoritads communalas annunzià dad avair installà in sistem da pilot per pudair reagir pli svelt sin situaziuns da privel tras bovas en la Val S-charl.
RR novitads 11:00++