A la testa da la manufactura da skis grischuna «Anavon» datti ina midada – Kurt Egger daventa fin 2024 il nov mainafatschenta. Tenor ina communicaziun da la manufactura vegnia l'experientscha da bajegiar si interpresas d'Egger dabun a la manufactura da skis «Anavon». Il mainafatschenta actual, Bruno Kernen, banduna suenter dus onns la fatschenta – sin agen giavisch. El restia dentant vinavant fidaivel a la fatschenta sco cussegliader tecnic, sco i resulta da la communicaziun.
Er il lieu da producziun è sa midà
L’onn passà ha la fatschenta fatg midada da Mustér a Zezras. Tenor la communicaziun da «Anavon» crain ins che quest pass è in grond agid per il svilup da la manufactura. A Zezras saja per exempel pli simpel per la fatschenta da recrutar persunal.
