Siglir tar il cuntegn

Header

video
Privel da fieu en il guaud
Or da Telesguard dals 11.03.2022.
laschar ir. Durada: 23 Secundas.
cuntegn

Memia pauca plievgia Privel d'incendis en il sid dal Grischun

Pervi dal ferm vent dal nord ch'ha setgentà il funs, e la mancanza da plievgia resta il privel d'incendis en las valladas talianas ed en il Tessin fitg aut. Per il Puschlav, la Bregaglia, il Mesauc e la Val Calanca vala vinavant in scumond absolut da far fieu en il liber. Andrea Kaltenbrunner da l'Uffizi chantunal da guaud e privels da natira declera che quai na saja betg ina situaziun nunenconuschenta. Tuttina:

audio
Andrea Kaltenbrunner
ord RTR Audio dals 12.03.2022.
laschar ir. Durada: 18 Secundas.

Era en las ulteriuras regiuns grischunas crescha il privel cuntinuadamain. En la Val dal Rain da Cuira, en la Tumleastga ed en la Val Müstair regia in privel considerabel d'incendis da guaud e da cultira.

carta cun tessin e valladas dal sid en nair
Legenda: Situaziun actuala Verd: privel minim Mellen: privel moderà Oransch: privel considerabel Nair: scumond absolut da far fieu en il liber (grafica dals 11.03.2022, 12:00). Uffizi federal per l'ambient

Situaziun tendida era per peschs

La setgira è er in problem per las auas en las valladas dal sid. Uschia mainan ils flums Moesa e Poschiavino dapi dis strusch pli aua. Tge che quai munta per la populaziun dals peschs en ils flums pertutgads n’è anc betg cler, sco Marcel Michel da l’Uffizi da chatscha e pestga dal Grischun a ditg al schurnal regiunal dad SRF:

audio
Marcel Michel
ord RTR Audio dals 12.03.2022.
laschar ir. Durada: 19 Secundas.

Ils peschs hajan fin uss survivì dentant i na saja betg sclaus che quels crappian las proximas emnas. I saja da sperar sin plievgia e temperaturas pli miaivlas.

RTR novitads 06:00

Artitgels legids il pli savens

Scrollar a sanestra Scrollar a dretga