Siglir tar il cuntegn

Header

audio
L'isolaziun croda, ma resta il homeoffice?
Or da Actualitad dals 01.04.2022.
abspielen. Laufzeit 2 minutas 53 Sekunden.
cuntegn

Mesiras da corona Nagina isolaziun: Quai fan las fatschentas

Per ils ins è il homeoffice sa mussà sco gudogn, auters han plitost gì fadia da lavurar da chasa anor. Bleras fatschentas ch'han stuì introducir homeoffice sondeschan uss, en tge furma che homeoffice faschess er bain senza pandemia. Dentant er la lescha dat avant directivas: Ni ils patruns ni ils lavurants dastgan pretender da far homeoffice sche quai n'è betg fixà en il contract da lavur. Quai vala er pia davent dad oz, er sch'ins ha levs simptoms da corona, di l'experta da dretg da lavur Nicole Vögeli Galli envers SRF.

Fatschentas èn anc precautas

En sasez valiss pia sco avant corona, che tgi che ha per exempel be in zic dafraid, stoppia teoreticamain ir en biro. Dentant èn intginas fatschentas anc in zic precautas. La banca chantunala dal Grischun ubain er la firma da communicaziun e marketing «communicaziun.ch» mettan anc adina sin ils tests sche lur lavurants han simptoms. Per tractar corona sco ina grippa tut normala èsi per els anc in pau baud – dentant giaja en quella direcziun.

RTR actualitad 12:00

Artitgels legids il pli savens

Scrollar a sanestra Scrollar a dretga