Il president communal da Mesocco Christian de Tann na candidescha betg per in'uliteriura perioda d'uffizi. Per las elecziuns dals 30 d’october datti trais candidaturas: John Seghezzi, Fauso a Marca e Mattia Ciocco.
Sco quai che Christian de Tann (Allianza dal Center) ha ditg envers Radio RSI, sajan ils davos 11 onns stads fitg interessants. El saja cuntent da terminar sia lavur cun la segirtad, d'avair chattà in investur che veglia sviluppar San Bernardino e las pendicularas ch'èn il mument serradas. Ussa entschaivia ina nova fasa ed i saja impurtant che novas forzas possian purtar vianvant il project.
En la davosa legislatura ha Christian de Tann er presidià la regiun Moesa. Surtut il temp da la pandemia saja stà in temp fitg intensiv. Ussa veglia el nizzegiar sia energia sin auters camps.
