Il boom d'autos electrics è er da constatar en il Grischun. Quels autos giaschan u sulettamain cun electricitad, u ch'els han ina cumbinaziun d'in motor e d'ina propulsiun electrica. 7% da tuts autos sin las vias grischunas èn electrics.
Dals autos immatriculads da nov è mintga segund electric. I va dentant segir anc in mument, fin ch'ina gronda part dals autos fiss electric. Claudio Reich da l'Uffizi da traffic grischun di: Er sch'ins vendess mo pli autos electrics, giess quai anc 10 onns fin che mintga segund auto sin via fiss electrics.
En il Grischun datti mo levet pli paucs autos electrics ch'en il rest da la Svizra. Tenor Claudio Reich saja quai cunzunt perquai ch'i dovra en il Grischun dapli autos da 4x4, e quels èn savens betg electrics.
La raschun per il boom vesa Reich cunzunt tar la politica da l'UE: Tenor quella dastgan a partir dal 2032 be pli vegnir vendids autos electrics.
