Er sch'il trend va envers autos electrics u ibrids, na vai en Svizra betg uschè svelt sco en auters pajais europeics. La raschun: en Svizra n'han bleras persunas betg in'atgna chasada. Uschia na pon ellas er betg installar ina bischla per chargiar l'auto. Quai di almain Emobility, l'uniun da vendiders d'autos electrics.
Cnap 50% dals autos novs han mo pli in motor termic
Las cifras da vendita èn cleras: autos cun motors termics vegnan vendids pli e pli pauc. Cumpareglià cun il 2021 han ins anc vendì 4% pli pauc benziners (en tut: 38%), er quels da diesel van enavos (anc 11,7%).
Il rapport annual da Swiss Emobility mussa er ch'i dat adina dapli staziuns da chargiar l'auto. En tut 12'560 en l'entira Svizra, 556 da quellas èn pir idas a la rait il 2022.
