Tenor ina enquista da l'insititut GFS Berna, sin incumbensa dal TCS, planisescha 70% da la glieud giuvna, sut 39 onns, da cumprar in auto electric, da las persunas sur 65 onns planiseschan 50% quai. 84% da las persunas dumandadas èn da l'opiniun ch'i saja da porscher dapli staziuns per chargiar ils autos.
Tge impurtanza han ils pretschs d'energia auts
Er han 12% inditgà, ch'els hajan sa decidì encunter cumprar in auto electric en vista da la situaziun d'energia actuala. Da tschella vart sajan dentant er ils pretschs auts d'ieli ina buna raschun da cumprar in auto electric. Quai avevan inditgà 20% da las persunas.
Fin d'october 2022 èn radund 49% dals autos en Svizra sin via cun in motor cun propulsiun alternativa. Cumpareglià cun l'onn passà vesan pli paucas persunas l'auto cumplettamain electric sco auto dal futur.
Or da l'archiv:
