Sch'igl è grev da cumprar autos novs, na vendan ins betg igl auto vegl. U ch'ins cumpra simplamain ina occasiun. Quai resulta or da la situaziun actuala ch'il servetsch online Comparis mussa en sia statistica: Damai che stretgas en la furniziun da nova tocca impedeschan la fabricaziun dad autos novs, creschan ils pretschs per autos vegls.
Tenor il portal online èn ils pretschs per occasiuns creschids per 28% cumpareglià cun 2020. L'entschatta 2020 han ins pajà 23'161 francs en media per in auto duvrà. Il settember 2022 èn quai gia 29'550 francs.
Problems da furniziun pertutgan er autos electrics
Ils pretschs per novs autos electrics èn schizunt creschids anc pli fitg (da radund 34'000 tar radund 52'000 francs en media). Plinavant datti er pli paucas offertas per occasiuns d'autos electrics: i dat 29% pli pauc che anc il 2020. En l'avegnir vegnia tenor Comparis dentant a dar dapli occasiuns, perquai ch'i vegnia fabritgà adina dapli.
