Siglir tar il cuntegn

Header

cuntegn

Dapli ch’ils vischins Svizzers e Svizras cumpran dapli autos electrics

En Svizra è la cumpart dad autos electrics creschida pli fitg ch'en ils stadis vischinants. Quai er sch'i na dat naginas premias sco en blers stadis europeics.

La branscha d’automobils cumbatta cun stretgas en la furniziun. Durant l’emprim mez onn 2022 han ils Svizzers e Svizras cumprà 12% damain autos che durant il medem temp da l’onn passà.

Tuttina han ils autos electrics pudì augmentar lur cumpart sin 16% dals autos novs vendids tranter schaner e zercladur. Quai è dapli che tar noss vischins. P. ex. en Germania èn vegnids vendids damain che 14%. E quai er sch'ils clients survegnan premias da fin 9’000 euros.

Auter sa cuntegnan ils Norvegiais: En ils prims sis mais da quest onn è la cumpart dad autos electrics tranter tut ils autos novs tar 79%. Els han l’avantatg da betg stuair pajar la taglia da plivalur e la taxa d’immatriculaziun.

audio
Per tadlar: las novitads da las 17:00
ord RTR Audio dals 25.07.2022.
laschar ir. Durada: 4 minutas 40 Secundas.

RTR novitads 15:00

Artitgels legids il pli savens