Elisabeth Hafner è doctoranda a l’Institut federal per la perscrutaziun da naiv e lavinas SLF tar l’equipa da l’exploraziun a distanza alpina. Dapi quatter onns lavura l’Austriaca a Tavau. Ella schess che la lavur ch'ha da far cun temas da naiv fa ora 50%. Durant mais da stad lavura l’institut per exempel cun material che pertutga la schelira permanenta u crudadas da crappa.
Jau schess che quai è ina malenclegientscha derasada, nus perscrutain er temas che na pertutgan betg la naiv u lavinas.
En ils ultims dus onns ha Elisabeth Hafner lavurà vi da sia lavur da doctorat. Cun dronas prendan ella e ses team si maletgs da satellit e dovran quests per instruir il computer co ch'ina lavina guarda ora. Per survegnir il resultat giavischà ha ella pavlà il computer cun passa 10’000 maletgs da satellit.
La finamira fiss che nus pudain laschar lavurar noss model uschia che nus savain nua che lavinas èn vegnidas giu.
Per far ils maletgs sgola il team da l’exploraziun a distanza alpina cun differentas dronas sur territoris muntagnards. In cas ch'era spezial per Elisabeth Hafner era la crudada da crappa al Flüela Wisshorn. Là ha ella congualà ils models da 3D avant e suenter la bova. Uschia ha ella pudì calcular che circa 250’000 meters cubics dal grip èn crudads giu.
Or da l'archiv
