Siglir tar il cuntegn

Header

video
GKB cun nov gudogn da record
Or da Telesguard dals 09.02.2024.
laschar ir. Durada: 3 minutas 19 Secundas.
cuntegn

Nov record Banca Chantunala Grischuna realisescha 230 milliuns gudogn

La Banca Chantunala Grischuna ha fatg l’onn passà in gudogn da record da 230,6 milliuns francs, in plus da bun 11%, cumpareglià cun l'onn avant. Quai ha communitgà la banca.

Da quest resultat profitescha er il chantun Grischun: El survegn bunamain 104 milliuns francs da la banca chantunala. E las investidras ed ils investiders survegnan ina dividenda da 47,50 francs per scrit da participaziun. Era las prognosas per l’onn current sajan positivas. Perquai quinta la GKB cun in gudogn da 200 fin 220 milliuns francs.

audio
GKB: bilantscha annuala
ord Actualitad dals 09.02.2024. Maletg: GKB
laschar ir. Durada: 3 minutas 45 Secundas.

Las cifras distinctivas:

Avrir la box Serrar la box
  • gudogn dal concern: CHF 230,6 miu. / +11,1%
  • resultat da fatschenta: CHF 258,5 miu. / +18,5%
  • novs daners da clients: CHF -0,5 mia. (onn precedent: CHF +1,6 mia.)
  • emprests a la clientella: CHF +1,4 mia. / +6,2%
  • volumen da la fatschenta: CHF 73,1 mia. / +1,4%
  • relaziun da custs e d'entradas I: 44,3%; relaziun da custs e d'entradas II (incl. amortisaziuns): 48,8%
  • augment da dividendas: CHF +12,5 miu. / +11,8%

La banca chantunala administrescha en tut 49,2 milliardas francs per clients, quai èn 5,1% dapli che l'onn avant. Sco la banca scriva, hajan ins pudì acquirir 1,1 milliarda il onn 2023, plinavant han il svilup dal martgà da finanzas augmentà il volumen per 2,9 milliardas.

RTR novitads 08:00

Artitgels legids il pli savens