Il parlament da Cuira ha ditg gea ad in pli aut chapital d’aczias per la nova halla s’events e da messa. Il capital da la Stadthalle Chur AG – ch'era tar 2 milliuns francs – vegn uss augmentà sin 3 milliuns. Quai è vegnì communitgà durant la sesida dals 23 da matg.
La finanziaziun per la nova halla da cità sin l'areal Obere Au saja uschia finalmain segirada – las lavurs pon pia cumenzar l'october 2024. En tut vegnian 44,6 milliuns francs investì per il project.
Lavurs n'avevan betg pudì cumenzà sco planisà
Atgnamain avessan las lavurs per la nova halla da martgà e d'events a Cuira gia duì cumenzar – ussa èn quellas previsas pir per l'october suenter il Big Air. La «Stadthalle» existenta vegn entant spazzada gia l'onn proxim per far spazi per la pendiculara Brambrüesch. Quai resulta dal messadi ch'il cussegl da la citad da Cuira aveva preparà per mauns dal parlament.
La raschun principala era la finanziaziun: il project è vegnì pli char pervi da la chareschia. Oriundamain aveva la citad quintà cun custs da circa 27 milliuns francs. Fin 2022 eran ils custs lura creschids sin 43 milliuns francs. Uss vegnan schizunt 44,6 milliuns francs investà per il project, sco il parlament ha confirmà.
Il plan è vinavant da reducir ils custs effectivs
Cunquai ch'ils custs dal project èn creschids sin 44,6 milliun francs, ha la citad da Cuira ponderà co sbassar quels. La finamirà saja vinavant da sbassar il custs per var 2 milliuns francs, sco quai ch'i han communitgà.
In'idea idea che la citad aveva parti saja da vender a l'armada 190 dals 200 parcadis, ch'èn planisads en la garascha da la nova Stadthalle – persuenter survegniss la citad dus terrens da la Confederaziun, nua ch'ella pudess far gudogn cun dar domicil a novas interpresas. Quai è vinavant in pussaivel plan.
Or da l'achiv:
