Siglir tar il cuntegn

Header

video
La gastronomie è cunter in certificat da corona
Or da Telesguard dals 07.09.2021.
laschar ir
cuntegn

Obligatori da certificat Tge sche l'obligatori vegn uss tuttina?

Mussar il certificat per ir ad ustaria, en centers da fitness ubain ad in concert. Bain pussaivel ch'il Cussegl federal decida oz d'introducir l'obligatori da certificat. RTR ha dumandà suenter co quest'idea vegn recepida.

La mesemna passada ha il Cussegl federal annunzià dad anc spetgar cun schlargiar l'obligatori dal certificat da Covid-19, perquai che la situaziun saja sa stabilisada sin aut nivel. Sur la fin d'emna saja la situaziun dentant vegnida mendra: Diversas staziuns intensivas dals ospitals svizzers vegnian ad ils cunfins. Uschia ha er il minister da sanadad Alain Berset mess en vista da prender eventualmain oz mesemna questa decisiun.

Quai n'avess betg mo consequenzas per la gastronomia, ch'è s'exprimida gia savens en quai connex, mabain era en auters secturs sco quel da la cultura u dal sport:

  • Il directur dal teater da la citad da Cuira, Roman Weishaupt, avess gia l'emna passada quintà cun l'obligatori dal certificat. Sche quel vegnia uss probablamain tuttina, portia quai calma tar ses public che sappia lura finalmain tge che valia propi.
  • Il manader dals indrizs da bogn e fitness Obere Au a Cuira, Sandro Staub, vesa quai in zic auter: El quinta cun dapli discussiuns e damain giasts. Era sch'els emprovian d'ademplir ils giavischs dals giasts, saja simplamain da metter enturn las reglas.

Ed era sch'ils dus manaders quintan cun differentas reacziuns da lur clientella, van els perina en in auter punct: In certificat munta dapli lavur per lur collavuraturas e collavuraturs. Quai muntia era consequenzas finanzialas. Ma la fin finala saja simplamain da restar pragmatic e flexibel.

RTR Telesguard 17:40

Artitgels legids il pli savens

Scrollar a sanestra Scrollar a dretga