Il potenzial d’energia solara vegnia il mument nizzegià memia pauc en il Grischun e quai gist durant temps che la dumonda suenter energia creschia. Perquai duai il chantun Grischun elavurar ina strategia solara sco la strategia da forza idraulica. Pia ina strategia che cumpiglia mesiras concretas, in plan da temp e da finanziaziun sco er adattaziuns necessarias da la lescha.
Deputadas e deputads vulan far pli spert che la regenza
Plinavant ha il Cussegl grond decidì da promover energia solara uschè spert sco pussaivel, la regenza vuleva oriundamain integrar la strategia per ina offensiva solara en la segunda etappa dal «Green Deal» che vegn elavurada en detagl il 2025. Las deputadas ed ils deputads dal Cussegl grond han dentant decidì ch’i saja gia uss da vegnir activ.
Er mesemna tracta il Cussegl grond il tema energia, en l’ura da dumondas èn pliras dumondas pertutgant mesiras per ina mancanza d’energia vegnidas inoltradas.
