L'Institut federal per la perscrutaziun da naiv e lavinas a Tavau è vegnì nominà sco il pli impurtant center da cumpetenza dal mund quai che pertutga l'observaziun da la naiv. L'Organisaziun mundiala per meteorologia argumentescha sia decisiun cun l'auta valur da l'infrastructura da mesiraziun ed ils passa 80 onns experientscha.
Quai saja ina bella onuraziun, scriva l'institut en ina communicaziun. Lur serias da mesiraziun sur blers onns sajan unicas en il territori da las Alps en Svizra. La surveglianza globala da la naiv daventia adina pli impurtanta e pretendia perquai in barat da savida. En l'evegnir vul l'insitut da naiv e lavinas uschia collavurar cun instituts da perscrutaziun da l'exteriur.
audio
Per tadlar: curt e cumpact
ord RTR Audio dals 18.01.2023.
laschar ir. Durada: 48 Secundas.
