En il Partenz ha la nova organisaziun da turissem regiunala cumenzà cun ses manaschi. Sut il num «Partenz Marketing» vegn quella manada sco partiziun da la regiun Partenz/Tavau, finanziada vegn ella da tut las vischnancas da la val – davent da Seewis fin Claustra, hai num en la communicaziun.
Il nov post a Jenaz na vegn però betg manà sco spurtegl d'infurmaziun per turistas e turists, perquai manchian ils meds finanzials. L'organisaziun da turissem maina vinavant las activitads da Partenz Turissem, pervia da la finanziaziun reducida betg pli en l'entira dimensiun.
Las incumbensas principalas èn da tgirar la marca Partenz, da cuntinuar cun la pagina d’internet e da porscher la plattafurma da reservaziun, portal da turas ed il chalender d'occurrenzas. I sa tracta da servetschs da basa – ulteriurs servetschs ston las vischnancas rembursar dapersai.
Or da l'archiv
