L'Ospital chantunal grischun survegn in nov schefmedi per la chirurgia.
A partir dal prim da schaner 2024 surpiglia Yves Acklin il post sco schefmedi per chirurgia d'accidents ed ortopedia. Quellas duas partiziuns vegnian alura era fusiunadas tar ina clinica, scriva l'ospital.
Plinavant ha il cussegl administrativ da l'ospital era designà Yves Acklin sco nov manader dal departament chirurgia e directur medical e cunquai sco commember da la direcziun da l'ospital. El suonda a Markus Furrer, che va la fin da l'onn en pensiun.
