Il project «Automatisaziun en la sanadad publica» da la fundaziun da l'Ospital chantunal custa en tut 7,7 milliuns francs. Da quels vul il chantun surprender 2,51 milliuns francs, sco ch'el scriva en ina communicaziun.
La contribuziun tutga tar la strategia dal chantun: La lescha da la transfurmaziun digitala dal chantun dal 2020 prevesa 40 milliuns francs per sustegnair projects d'interpresas ed instituziuns.
Cun il project duai l'Ospital chantunal er far frunt a sfidas sco la chargia da lavurs administrativas e la mancanza da persunal qualifitgà, scriva il chantun. Tar ils auters projects ch'il chantun ha sustegnì tutga per exempel in «ecosistem digital» da las pendicularas Arosa Lai.
audio
Per tadlar: las novitads da las 10:00
ord RTR Audio dals 06.07.2023.
laschar ir. Durada: 2 minutas 29 Secundas.
