L'anteriur CEO Andreas Wieland ha surdà definitivamain ses post quest onn. Nov schef da la firma cun sedia principala a Panaduz daventa Martin Frey. Andreas Wieland vegnia dentant a cuntinuar a parter sia experientscha e sia savida sin livel strategic en il cussegl d'administraziun, communitgescha la Hamilton.
La firma ch'è sa spezialisada sin tecnica medicinala ha gist occupà da nov plirs posts da management, per exempel er il post da la directura da Hamilton Services SA e trais posts da vicepresident en unitads secundaras da l'interpresa.
Midada da generaziun
La Hamilton scriva d'ina midada da generaziuns. Ils posts vegnan surdads a collavuraturs cun experientscha en l'interpresa. Ils responsabels partents accumpognian dentant lur successurs per part durant il cumenzament da lur lavur.
Surtut durant la pandemia da Covid-19 è la firma da hightec creschida al pli grond patrun privat dal Grischun. Actualmain engascha la firma passa 1'700 collavuraturas e collavuraturs.
