Siglir tar il cuntegn

Header

cuntegn

Parahotellaria Buna stad 2022 per abitaziuns da vacanzas e «jugis»

La parahotellaria svizra po cuntinuar cun il bun svilup. Albierts da giuventetgna pon guardar enavos sin in ferm plus da 25%, cumpareglià cun l'onn passà. Ubain er abitaziuns da vacanzas èn stimadas tar giasts.

La mancanza da giasts svizzers è stada a pèr cun dapli giasts da l'exteriur. Cleramain dapli glieud ch'avant la pandemia han fatg diever da la parahotelleria questa stad. Quai mussa in'enquista tar BnB Switzerland, Interhome, Reka, Albierts da giuventetgna svizzers e TCS Camping. Fatg l'enquista ha l'IG Parahotellerie.

Abitaziuns da vacanzas a Cumbel.
Legenda: Abitaziuns da vacanzas a Cumbel. Keystone

En singulas spartas sajan las cifras schizunt stadas meglras che durant la stad da record da l'onn passà. Per exempel per ils albierts da giuventetgna en las citads. Ma er las abitaziuns da vacanzas han mussà cifras mo levet sut il nivel da record 2022. Sulettamain ils plazzals da camping na pon betg tegnair il nivel aut. Cumpareglià cun il 2019 datti là dentant anc adina in plus da 42%.

Prevista sin enviern è buna

Per l'enviern che stat avant porta èn locaturs d'abitaziuns da vacanzas e gestiunaris d'albierts da giuventetgna danovamain optimistics. Cumpareglià cun l'onn passà hai dà 8% dapli reservaziuns dad abitaziuns da vacanzas.

RTR novitads 12:00

Artitgels legids il pli savens

Scrollar a sanestra Scrollar a dretga