La Dretgira regiunala Partenz / Tavau ha sentenzià in um ester da 30 onns pervia d'in incendi intenziunà tar la staziun a Schiers. El duai ir 26 mais en praschun e silsuenter vegnir exilià or da la Svizra per otg onns. La sentenzia n'è anc betg en vigur legala. Plinavant stoppia el pajar 600 francs per ulteriurs delicts, sco la derschadra ha ditg a l'agentura da novitads Keystone-SDA. L'um è dapi l'entschatta avust 2021 en arrest.
A l'um vegn renfatschà ch'el haja la notg sin ils 3 d'avust 2021 dà fieu al deposit da rauba tar la staziun a Schiers. Il fieu ha era tschiffà parts dal bajetg da la staziun che cuntegna in'abitaziun. Persunas n'èn betg vegnidas blessadas. Il donn material ha muntà a radund 1,2 milliuns francs.
audio
Per tadlar: las novitads da las 15:00
ord RTR Audio dals 19.12.2022.
laschar ir. Durada: 3 minutas 32 Secundas.
