L'examinaziun dal brischament da la staziun da Schiers d'avant in onn è a fin. Sco las gasettas da Somedia rapportan haja la procura publicà accusà in um pervi dad incendi intenziunà qualifitgà. Uschia duai el avair mess en privel sapientivamain corp e vita d'umans. Tar ina condemnaziun spetgan almain trais onns praschun sin l'um da 29 onns. El è vegnì arrestà gia il di da l'incendi, ils 3 d'avust 2021, e sa chatta il mument en execuziun dal chasti anticipada. I vala la presumziun d'innocenza.
A Schiers aveva brischà ina remisa sper la staziun ed il fieu aveva lura era tschiffà il bajetg da la staziun.
