Siglir tar il cuntegn

Header

Jäger bei der Jagd
Legenda: Maletg simbolic Keystone
cuntegn

Partenz Ulteriur cas da fraud vi dad in tschierv

En il Partenz è vegnì a la glisch in ulteriur cas da fraud vi dad in tschierv. In lavurant haja chattà quel mez schaner en in guaud a Grüsch ed annunzià il cass a la surveglianza da chatscha. Sco quai che la polizia chantunala communitgescha hajan ins anc chattà il medem avantmezdi il responsabel per il fraud. Durant l'interrogaziun haja quel concedì d'avair fraudulà plirs tozzels selvaschignas grondas e pitschnas dapi l'atun 2019.

Gia il 2022 era la procura publica grischuna sa fatschentada cun in cas da fraud en il Partenz. En consequenza era in chatschader da Seewis vegnì sentenzià ad ina multa ed in chasti da plirs milli francs.

Ensemen cun la procura publica dal Grischun sco er cun ils organs da surveglianza da chatscha vegn uss eruida la dimensiun exacta dals delicts.

audio
Per tadlar: las novitads da las 16:00
ord RTR Audio dals 21.02.2024.
laschar ir. Durada: 2 minutas 43 Secundas.

RTR novitads 16:00

Artitgels legids il pli savens