Siglir tar il cuntegn

Header

cuntegn

Pass dal Bernina Dus morts tar accident

Sin la via da Bernina da La Rösa vers San Carlo hai dà il glindesdi suentermezdi in accident mortal, sco la Polizia chantunala ha communitgà. Tar il lieu Plana Scüra hajan dus autos che suandavan ina moto vulì vargar, tar quest manever èn ils automobils collidads in cun l'auter, in dad els ha tschiffà la moto. Il motociclist e crudà sin via e sia socia è vegnida sdermanada sur la saiv da segirezza. Omaduas persunas han gì grevas blessuras, malgrà emprovas da reanimar èn omaduas mortas anc al lieu.

La via è restada serrada fin las 19:00. La polizia supplitgescha persunas che han observà l’accident u pon far indicaziuns davart la moda da guidar dals automobilists, da s’annunziar tar il post da traffic Engiadina.

audio
Per tadlar: las novitads da las 11:00
ord RTR Audio dals 09.08.2022.
laschar ir. Durada: 2 minutas 14 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga