Per las pendicularas grischunas èn las cifras da la stad main bunas cumpareglià cun l'onn passà. Dal matg fin avust han ellas dumbrà 10% damain emprimas entradas u giasts. E la svieuta da las pendicularas grischunas, cun il transport da persunas è 4% pli bassa ch'il matg fin avust dal 2022. Quai communitgescha l'organisaziun Pendicularas Svizra. En l'entira Svizra han las pendicularas nudà plus. Ellas han transportà a% dapli giasts e fatg 9% dapli svieuta.
L'analisa da tschintg onns vesia ora bain, scriva Pendicularas Svizra. Cumpareglià cun la media da tschintg onns hajan tut las regiuns – cun excepziun dal Grischun – gì dapli giasts. La svieuta è dentant er en il Grischun creschida per 17%. Guardà sin l'entira Svizra hai da 14% dapli giasts e 26% dapli svieuta.
