Per las pendicularas en Svizra ha la stad cumenzà bain. Tant il dumber da giasts sco era la svieuta èn creschids. Cumpereglià cun il matg e zercladur 2022 èsi stà in plus da 16% tar il transport da persunas e 19% dapli svieuta.
Il Grischun è l'excepziun: Qua è il dumber da persunas sa reducì per 10% e la svieuta per 2%. En cumparegliaziun cun la media dals davos tschintg onns hai gÎ 9% dapli giasts – quai cumpiglia dentant er ils dus onns cun restricziuns pervia da la pandemia da corona.
Creschì il pli fitg en Svizra è la fatschenta da las pendicularas bernaisas (plus 26%) ed da la Svizra Centrala (plus 25%). Levet pli pauc osps e svieuta hai er dà en la Svizra Orientala e cunzunt en il Tessin (14% damain osps). Las cifras ha l'uniun tetgala da las pendicularas svizras publitgà.