L'Uffizi per economia e turissem dal Grischun preschenta las cifras da pernottaziuns. Betg tuttas regiuns han gì in medem bun favrer:
En tut èn las cifras idas enavos per 1,3% cumpareglià cun il favrer 2022. Sch'ins cumpareglia cun la media dals davos tschintg onns, hai dentant dà 6,1% dapli pernottaziuns.
Differenzas en las regiuns
La Surselva ha cleramain dumbrà pli paucas pernottaziuns, er en cumpariziun cun ils davos tschintg onns (-5,3%). L'Engiadin'Ota cun Scuol ha gì 2% dapli giasts ch'en la media dals davos onns. Ed a San Murezzan e conturn hai dà bunamain 10% dapli pernottaziuns ch'en la media dals davos onns.
