Siglir tar il cuntegn

Header

cuntegn

Plans dal Cussegl federal Regenza è cunter reducir taxas da radio e televisiun

Il Cussegl federal vul sbassar las taxas da radio e televisiun per chasadas pass per pass sin 300 francs per onn e deliberar ina part da las interpresas da l'obligaziun da pajar taxas. Questa proposta fa el sco reacziun sin l'iniziativa dal pievel che vul taxas da be 200 francs. Il Cussegl federal refusa questa iniziativa senza cuntraproposta, sustegna dentant la pretensiun da distgargiar finanzialmain chasadas ed interpresas e vul perquai reducir taxas.

Privel per la cuntrada da medias

La regenza grischuna reagescha uss en il rom da la consultaziun. El beneventa ch'il Cussegl federal recumonda da refusar l'iniziativa senza cuntraproposta ma è cunter la reducziun planisada. Ins haja ils ultims onns adina puspè reducì las taxas ed er spargnà. Ultra da quai patissia la qualitad dal servetsch public en il chantun. Da la rapportaziun en las quatter linguas naziunalas da la SRG SSR profiteschian tut las burgaisas ed ils burgais. La cuntrada da medias independenta e multifara fissia en privel sch'ils meds finanzials vegnissan reducids.

Or da l'archiv

Il november ha il Cussegl federal annunzià da vulair sbassar pass per pass las taxas da radio e televisiun.

video
Rösti: «La SSR è en in ambient che sa mida fermamain»
Or da News-Clip dals 08.11.2023.
laschar ir. Durada: 55 Secundas.

RTR novitads 10:00

Artitgels legids il pli savens