En il Grischun han ins pudì racoltar il 2023 radund 2'860 tonnas ivas quai è 10% pli pauc cumpareglià cun l'onn avant. Cumpareglià cun la media dals davos 10 onns sa resulta dentant in pitschen plus da 6 %, ha communitgà il Plantahof.
La vendemia 2023 è stada pli pitschna quest onn tranter auter pervia da la granella ed ils urizis cun blera aua. Quai ha chaschunà che ina part da las ivas èn schluppadas. A Maiavilla, Jenins e Malans hai dà quest onn trais giadas granella. La davosa granella hai dà fin d'avust, quella ha purtà var 150 liters aua per meter quadrat. La summa da tut quels donns ha procurà che la racolta è sa sminuida per in grond dumber.