Ils trais candidats uffizials per la suprastanza communala da Poschiavo èn Michel Castelli da l'Allianza dal Center, Fulvio Betti da la PPS e Davide Vassella da Poschiavo Viva. Il quart sez duai vegnir occupà ils 27 da november, sco la chanzlia communala ha communitgà.
Ils quatter suprastants actuals han tuts demissiunà. Renato Isepponi (Poschiavo Viva) na po betg pli candidar suenter 12 onns, Carlo Crameri (Allianza dal Center) e Mainrado Lanfranchi (independent) èn sa decis pervi da lur vegliadetgna da betg pli candidar ed Orlando Crameri (independent) ha decidì per motivs persunals da desister d'ina re-elecziun.
audio
Per tadlar: curt e cumpact
ord Actualitad dals 10.09.2022.
laschar ir. Durada: 1 minuta 1 Secunda.
Puspè en cursa va il podestà – il president communal da Poschiavo, Giovanni Jochum (PLD).
