Tilla Theus è vegnida premiada cun 30’000 francs. L’architecta grischuna che lavura per la gronda part a Turitg surdat quests raps al Museum d’art dal Grischun per in catalog d'Alberto Giacometti. L'emprim cudesch che Tilla Theus ha possedì è numnadamain stà in d'Alberto Giacometti. Cun questa surdada dal premi ed uschia in sustegn per la cultura grischuna, sa serra quest rintg en ina maniera, di Theus.
Ina carriera plain success
Tilla Theus ha fundà ses agen biro d’architectura a Turitg, e sapientivamain betg en il Grischun. Sco ch’ella raquinta è ella adina stada la pitschna da ses bab che era in politicher activ, tranter auter era cusseglier guvernativ.
Jau hai fabrica si mia carriera en l’ester – en la bassa.
Al di dad oz lavuran 16 persunas en il biro Tilla Theus. L’architecta da 79 onns s'ha fatg in num cun ovras da chasas d’abitar, spazis da biros ed hotels. Per exempel il quartier principal da la FIFA u il Widder Hotel a Turitg. En il Grischun ha ella planisà il restaurant da muntogna Weisshorn ad Arosa, in cumplex da biros a San Murezzan ed abitaziuns a Cuira.
Sper il premi da cultura hai anc dà sis premis da reconuschientscha, quests èn ids a:
- Bruno Cathomas
- Annetta Ganzoni Pitsch
- Dieter Jüngling ed Andreas Hagmann
- Guido Lardi
- Reto Mayer
- Letizia Scherrer
Ils tschintg premis da promoziun èn ids a:
- Elena Bertossa
- Fadri Cadonau
- Vito Cadonau
- Christian Imhof
- Anna-Laura Klucker
