Premiera da teater - Tamangur

Da tge sa tracti?

En il teater che gioga per tudestg vai per ina dunna veglia «la nona» che vegn giugada da l'actura Tonia Maria Zindel. La nona abita cun in uffant en ina vischnanca en las muntognas ensemen cun autras persunas da la vischnanca.

En il decurs dal teater van els enavos en temps passads, nua ch'i vegn tranter auter er avant il tat ch'è atgnamain gia mort. Ma en il raquint viva el vinavant en il paradis che ha num Tamangur.

L'autura

Avrir la box Serrar la box

Leta Semadeni es naschida il 1944 a Scuol, pli tard ha ella studegià a l’universitad da Turitg. Ella ha dà blers onns scola a Paris, Berlin e New York. Dapli il 2005 abita ella a Lavin.

Sper ses roman «Tamangur» ha ella er scrit divers texts lirics e gudagnà divers premis da litteratura e cultura.

Co èsi vegnì a quest teater?

Sco il reschissur dal teater Georg Scharegg di, hajan els tschertgà ina ovra grischuna dad in autur u in'autura che viva en il chantun ed uschia sajan els rivads tar Leta Semadeni e ses roman «Tamangur». La gronda sfida per realisar in teater sin basa da quest cudesch era ch'in roman n'è en sasez betg scrit per vegnir giugà sin tribuna.

Impressiuns d'ina emprova

Anc in omagi

En il teater che sa basa sin il roman da Leta Semadeni vegn er avant ina curta sequenza d’in teater scrit anc da ses bab. Questa part dal teater è ina da las unicas parts rumantschas. I sa tracta dad in monolog dad in um che vegn giugà da Tonia Maria Zindel.

Questa sequenza deriva dal teater «Il figl pers» che è vegni scrit da Jon Semadeni. El ha scrit teaters, era però er sez actur. Cun questa curta sequenza survegn l’aspectatur er ina curta invista en il passà da Leta Semadeni. Ella haja passantà da matta bler temp cun ses bab a provas da teater ed uschia saja per ella eir in zic nostalgic da guardar ses agen cudesch en furma da teater sin ina tribuna.

Or da l'archiv: