Siglir tar il cuntegn

Header

cuntegn

Presidi communal Zezras elegia Daniel Freund

La vischnanca da Zezras ha elegì en il segund scrutini Daniel Freund sco president communal. Quai cun 443 da total 995 vuschs valaivlas.

Cunquai ha Daniel Freund surpassà ses concurrent Eugen Arpagaus, che aveva survegnì en l'emprim scrutini anc las bleras vuschs. L'um da 58 onns n'ha anc naginas experientschas politicas.

Daniel Freund, senza partida

Avrir la box Serrar la box
Daniel Freund
Legenda: MAD
  • 58 onns
  • abita a Zezras
  • mecanist da maschinas
  • stà 30 onns mainafatschenta da Grischa Mechanik
  • n'ha anc naginas experientschas en la politica u en l'administraziun
  • candidescha senza partida, vegn dentant purtà da la PLD

Cun 443 da total 995 vuschs valaivlas è vegnì elegì Daniel Freund per il presidi communal. La survista dal segund scrutini:

  • Daniel Freund (senza partida) 443 vuschs
  • Eugen Arpagaus (Allianza dal Center) 340 vuschs
  • Benjamin Hefti (PPS) 206 vuschs

Il suveran da Zezras è danovamain stà clamà a l'urna per decider tgi che maina en l'avegnir la vischnanca. En l'emprim scrutini n'aveva nagin cuntanschì avunda vuschs.

audio
Daniel Freund: «Che jau hai pudì persvader tanta glieud ma legra enorm»
ord RTR Audio dals 27.11.2022.
laschar ir. Durada: 16 Secundas.

Ils resultats da l'emprim scrutini

La fin da settember han las votantas ed ils votants gì da decider la successiun dal president partent Peter Lang. E da lez temp era Eugen Arpagaus a la testa – dentant be stgars.

Eugen Arpagaus, Allianza dal Center

Avrir la box Serrar la box
Eugen Arpagaus
Legenda: MAD
  • 60 onns
  • abita a Zezras
  • bab da dus uffants creschids
  • dapi l'onn 2021 mainafatschenta dal Tecnoparc Grischun
  • fin l'onn 2020 stà passa dus decennis manader da l'Uffizi per economia e turissem dal Grischun

Ad el sin ils chaltgogns è stà l'um senza partida, Daniel Freund.

Nagin dal trio aveva cuntanschì la maioritad absoluta da 479 vuschs. Ils resultats en survista:

  • Eugen Arpagaus (Allianza dal Center) cun 336 vuschs
  • Daniel Freund (senza partida) cun 333 vuschs
  • Benjamin Hefti (PPS) cun 248 vuschs

Benjamin Hefti, PPS

Avrir la box Serrar la box
Benjamin Hefti
Legenda: PPS
  • 38 onns
  • abita a Zezras
  • maridà e bab da dus uffants
  • maina in bain puril a Zezras
  • dapi l'onn 2014 en la suprastanza communala
  • dapi l'onn 2018 deputà per la PPS en il Cussegl grond

Dapli decisiuns communalas chattais qua en la survista:

RTR novitads 11:00

Artitgels legids il pli savens