Privel da fieu - La situaziun sa schlucca – dentant anc adina memia sitg - Novitads

Privel da fieu La situaziun sa schlucca – dentant anc adina memia sitg

La plievgia da l'ultima fin d'emna ha diminuì levamain la sitgira actuala. Uschia è il privel d'incendis ussa tranter il stgalim 2 e 3 – pia in privel moderà enfin considerabel. Quai tenor SRF Meteo.

Autur: SRF / Florian Monn

Ina front fraida sur il chantun Grischuan la notg passada ha procurà per 16 milimeters plievgia a Cuira. Tant sco dapi l'entschatta da favrer betg pli. L'avrigl è dentant anc adina stà memia sitg. I ha dà tranter 30% e 70% da la precipitaziun da la media dals davos onns. Bler pli extrems è dentant stà il mais da mars. Durant quest mais hai da tranter 0% e 10% da la plievgia e naiv ch'i dat normalmain. En las valadas dal sid èsi dapi il december 2021 bler memia sitg.