L'uniun KinderKultur Chur vegn onurada quest onn cun il Prix benevol Grischun 2023. Ella retschaiva il premi per lavur voluntaria per ses chalender d'advent teatral che KinderKultur Chur fa dapi passa 20 onns. La purschida gratuita vegn visitada mintg'onn da radund 1700 persunas.
Benevol è in'organisaziun nunguvernamentala ed in post d'intermediaziun per lavur voluntara. Mintg'onn surdat ella in premi per prestaziuns voluntaras e gratuitas excellentas en il Grischun.
Tranter autras iniziativas ed organisaziuns survegn il club da skis Trin in dals premis da renconuschientscha. Il club saja colliads fitg bain, procura per ina cuminanza sur las generaziuns ora e porschia per novas persunas en la vischnanca ina via da vegnir en contact.
L'onuraziun ha l'organisaziun Benevol annunzià en ina communicaziun a las medias.
